Desmentegas el Pater

Desmentegàs el pàter
Contrappunto per 2 voci recitanti

Ta sa la ciàpet trop, soghétet a dim

e adès so dré a pirdìm

pirdìt dré ai pensér della nostra sorte

Perché co la forsa de giu che el ga prope niènt
de pèrder
se non se stesso
Come già detto
ma sa ‘ncamìne
ma sa ustìne…

Ta sa la ciàpet trop, soghétet a dim
ma com’ éla che el fiol del Mansa
el ga troàt sùbit en bel posto de laurà?
com’éla che de concorsi i na fa pio?

El me Andrea, bel come el sul
come un dio
vint’agn
come un dio
trent’agn

El m’ha dit

Un regalo di Natale te lo farò
io quando sarò io
ad uscire di casa
per avere una casa
solo mia.

Ta sa la ciàpet trop, soghétet a dim
e alùra cose garése de fa?
mìa ciapàmela?
sta sintàt zo a cantà
a sercà le stèle pio bèle?
a sercà la stèla del Signùr?!

Za ‘na olta l’è pasàda
derènt ai occ saràcc dei sottomessi e dei prepotenti
uniti nei giochi
derènt a chi cerca solo complici…

El dutùr el ga dit de mìa preoccupas
il peggio è passato
Andrea el ga amò bisogn de noàlter
el ga quarant’agn, omènti,
el ga de fa le so robe
e noàlter gom de dàga ‘na mà!
O no?!

El dutùr el ga dit de mìa preoccupas!
chi ghéra all’ospedàl a tignìt dré?
chi ghéra dopo tacc agn?
ga n’era mìa de amici e amiche!
ga sìre me!
Oet nà endòe?
Turnòm ensèma.

Ta sa la ciàpet trop, soghétet a dim.
go spetàt fina a trop.

Mètet el cor en pace, e ricordet chel che ta met fat…
Prega! set bù de pregà? Ma mìa me, affinché ritorni tra le tue braccia:
Prega el Signùr…

Me so mìa bù de pregà
el pàter lo desmentegàt.

Ma so bù de dì grassie.

Me dize grassie, so mìa a chi, per do robe.

Giona l’è de ìga capit che i òm i cambierà mai
che ga sarà sèmper argù che el deènta siòr ale spàle dei oter.
E sèmper i so occ i deènta speciali
come do stèle false ma dore
do stèle artificiali:
ma sicure di durare nel tempo
en chèsta nòt perpètua.

E dopo go de dì grassie, so mìa a chi,
per chèla curva quand che ta ègnet fora a Isé
sùbit dopo la galerìa
che sa èt el lac
sa èt el lac.
E tot el paesaggio
el cambia.

Grassie,

grassie.

Cerca nel sito

© 2017 Giovanni Peli